विवाह हेर्न गएका युवा मृत फेला
31st January 2018
पाकिस्तानमा शक्तिशाली भूकम्प, एक बालकको मृत्यु नाै घाइते
31st January 2018
Show all

तीन नम्बर प्रदेशमा बैठकको तयारी पुरा, यस्ता छन् बैठकका एजेण्डा

हरि हुमागाई/उज्यालो ।
मकवानपुर, माघ १७ – प्रदेश नम्बर ३ को अस्थाई राजधानी हेटांैडामा बिहीबार हुने बैठकको तयारी पुरा भएको छ । बैठक बस्नका लागि सबै तयारी पुरा भएसँगै बिहीबार हुने बैठकको पूर्व अभ्यास समेत गरिएको छ । 

तीन नम्बर प्रदेशका ज्येष्ठ सदस्य सभामुख डोरमणी पौडेलले आफ्नो कार्यकक्षमा बस्दै बिहीबार हुने बैठकका विषयमा पूर्व अभ्याश गर्नुभएको तीन नम्बर प्रदेशका संसद सचिवालयका सचिव डाक्टर रोजनाथ पाण्डेले जानकारी दिनुभयो । 
बिहीबार हुने बैठकमा मुख्यगरी तीनवटा एजेण्डा रहेको र बुधबार ती एजेण्डाका बिषयमा सहमति भएको पाण्डेले बताउनुभयो । पहिलो एजेण्डाको रुपमा प्रदेश प्रमुखले संसद बैठकको आब्हान गरेको पत्र पढ्ने, दोश्रोमा प्रदेशसभा सञ्चालनको लागि कार्यविधि बनाउने र तेश्रोमा प्रदेश सभामुख चुनावकोे मिति घोषणा गरिने विषयमा निर्णय हुने उहाँले बताउनुभयो । 
प्रदेशसभाको पहिलो बैठकलाई ऐतिहासिक र भव्य बनाउनका लागि संसद सचिवालयका कर्मचारी दिनरात नभनी खटिएका छन् । प्रदेशसभा सुरक्षाको लागि ३० जना मर्यादापालक सहित तीनवटा सुरक्षा घेरा रहने पाण्डेले जानकारी दिनुभयो । सुरक्षामा संसद सचिवालयको बैठक कक्षमा मर्यादा पालक, बाहिर जनपथ प्रहरी र शसस्त्र प्रहरीले सुरक्षा दिने व्यवस्था गरिएको छ ।
बैठकको लागि पहिलेको क्षेत्रीय शिक्षा निर्देशनालयको भवनको हल, बाहिरी संरचना रंगरोगन गरेर चिटीक्क पारिएको छ । भित्र सभामुख बस्ने कक्ष, कर्मचारी, मर्यादा पालक, प्रदेश सांसद बस्नको लागि छुट्टा छुट्टै स्थान तय गरिएको छ ।
    

Source: Ujyalo network ले छापेको छ/

Leave a Reply

Your email address will not be published. Required fields are marked *