धादिङमा मतगणना सुरु
7th December 2017
मोरङका केही केन्द्रमा मतदान जारी, सकिएका मतपेटिका आउन थाले
7th December 2017
Show all

बाबुराम र नारायणकाजीबिच हारजीतको गन्ती सुरु

मंसिर २१ – डा. बाबुराम भट्टराई र नारायणकाजी श्रेष्ठबिच हारजीतको गन्ती सुरु भएको छ । पहिलो चरणको चुनाव भएकोमध्ये सर्वाधिक चासोपूर्वक हेरिएको गोरखा क्षेत्र नम्बर २ को मतगणना बेलुकी ५ बजेदेखि सुरु भएको हो ।
चुनावी प्रतिस्पर्धा र त्यसको नतिजा सबैक्षेत्रको उत्तिकै चासो विषय हुने भएपनि गोरखाको क्षेत्र नम्वर २ लाई भने पहिलो चरणमा चुनाव भएकामध्ये देशविदेशमा चासोपूर्वक हेरिएको छ । वाम गठवन्धनमा जोडिन पुगेर पनि त्यहाँबाट अलग्गिएर कांग्रेसको समर्थनमा उम्मेदवार बनेका डा. बाबुराम भट्टराई र वाम गठवन्धनबाट उम्मेदवार बनेका माओवादी केन्द्रका वरिष्ठ नेता नारायणकाजी श्रेष्ठबिच चुनावी प्रतिस्पर्धा भएकाले गोरखा क्षेत्र नम्वर २ बाट प्रतिनिधिसभामा यी दुईमध्ये को चुनिएलान् भन्ने चासो र चिन्ता सबैतिर छ ।
मंसिर १० मा आआफ्नो मतदान केन्द्रमा भोट हालेर भोलिपल्टै काठमाडौं हान्निएका भट्टराई र श्रेष्ठ मतगणना हुने आजको दिनसम्म जिल्ला फर्किएका छैनन् ।

Source: Ujyalo network ले छापेको छ/

Leave a Reply

Your email address will not be published. Required fields are marked *